下午二時, 到達一間政府資助老人院, 開始今天的外展診症。
今天總共有十六位老友記需要覆診, 數目也實在不少。
差不多四時半, 面前只剩下幾位病友等候着我, 一位坐在輪椅上的婆婆被職員推進來。
「婆婆最近有啲氣喘, 我地已經不時同佢噴 puff, 不過好似都係喘, 尤其係夜晚。」老人院護士一邊安頓婆婆, 一邊對我說。
政府資助老人院總有註冊護士當值, 與他們溝通老友記的健康問題, 當然最容易。
「婆婆, 你有無唔舒服呀? 」我轉身問她。
「無, 無嘢。」婆婆說得斬釘截鐵。
我腑身望望婆婆雙腳, 脹脹的, 一按下起, 根本就是水腫; 我把她的褲腳抽起, 水腫及至膝蓋。
翻查紀錄, 她有心臟衰竭的病歷, 正服用低劑量去水丸。婆婆出現嚴重水腫, 很可能是因為心臟衰竭的緣故。
「婆婆, 你兩隻腳好腫喎。聽埋個肺先。。。」我轉身站到她背後, 用聽筒聽聽婆婆肺的底部, 明顯聽到雜音。這顯示婆婆肺部有積水, 出現心臟衰歇的徵狀。
「婆婆, 你真係一啲唔舒服都無? 隻腳又腫, 個肺又好似水滾咁呼呼聲。」我問。
「係夜晚小小喘啫。」婆婆語氣顯得硬朗。
躺平時氣喘, 正正時心臟衰歇最典型徵狀, 有些患者甚至只能坐在床上睡覺。
「婆婆呀, 不如入院攪好去啦。係醫院打吓針, 較吓藥, 快好多好番㗎。」我提出建議。
以婆婆情況, 若然只在老人院使用口服去水丸, 治療效果未必太好。老人院護士使用的 ventolin 氣管會舒張噴霧, 亦對心臟衰歇無效。
「唔入呀! 」想不到婆婆反應强烈。
「點解呀, 住幾日快啲好嘛。」我嘗試勸告婆婆。
「係啦, 醫生都話入院好呀, 入啦。」護士在幫口。
「入去幾日, 出番嚟又要隔離十四日!上次已經係咁。 」婆婆扁着嘴, 似乎她心水很清。
疫情期間, 為了保障院友零感染, 一些老人院會要求從醫院出院的院友在獨立房隔離十四日。
「你唔鍾意一個人霸哂一間房咩? 」我嘗試從另一個角度說。
「困住我一個人係度, 又無得出嚟見其他人, 我唔鍾意呀! 我唔入院呀!」婆婆堅持着。。。
原來習慣了群體生活, 獨處, 可以變得非常難熬。。。
全球疫情肆虐, 對每個人的生活都有着不同程度的影響。香港已連續十四日没有本地感染個案, 希望疫症盡快消失, 大家重拾過往正常的生活。
Search